ಸ್ರ್ತೀರೋಗ ತಜ್ಞರು ಅಥವಾ ಕ್ಯಾನ್ಸರ್ ತಜ್ಞರ ಬಳಿ ತಪಾಸಣೆ ಮಾಡಿಸಿಕೊಳ್ಳುವುದು. ತಜ್ಞರು ಅಲಭ್ಯವಿದ್ದ ಪಕ್ಷದಲ್ಲಿ, ಪ್ರಾಥಮಿಕ ಆರೋಗ್ಯ ಕೇಂದ್ರಗಳಲ್ಲಿ, ಕೆಲವು ಸುಲಭ ಸಾಧ್ಯ ಪರೀಕ್ಷೆಗಳನ್ನು ಮಾಡುವ ಸೌಲಭ್ಯಗಳನ್ನು ಸರ್ಕಾರ ಮಾಡಿದೆ. ಮಹಿಳೆಗೆ ಈ ರೋಗವಿರುವ ಗುಮಾನಿಯಿದ್ದಲ್ಲಿ, ಅವರನ್ನು ಮುಂದಿನ ಹಂತದ ಚಿಕಿತ್ಸೆಗೆ ದೊಡ್ಡಾಸ್ಪತ್ರೆಗೆ ಕಳುಹಿಸಿ ಕೊಡಲಾಗುತ್ತದೆ. ಈ ರೋಗವನ್ನು ಪ್ರಾಥಮಿಕ ಹಂತದಲ್ಲಿ ಪತ್ತೆ ಹಚ್ಚಿದರೆ, ಪೂರ್ಣಚಿಕಿತ್ಸೆ ಲಭ್ಯವಿದೆ. ಗರ್ಭಗೊರಳಿನ ಕ್ಯಾನ್ಸರ್ ಬೆಳೆಯಲು ಹಲವಾರು ವರ್ಷಗಳು ಬೇಕು. ಇದನ್ನು ಒಂದು ಸುಲಭ ಪರೀಕ್ಷೆಯಾದ, PAPSMEAR ಮೂಲಕ, ಪ್ರಾಥಮಿಕ ಹಂತದಲ್ಲಿ ಪತ್ತೆ ಹಚ್ಚಿ, ಚಿಕಿತ್ಸೆ ಮಾಡಬಹುದು. ಏನಿದು PAPSMEAR? ಇದೊಂದು SCREENING TEST. ಮಹಿಳೆಯ ಗರ್ಭಗೊರಳಿನ ಕೆಲವು ಜೀವಕೋಶಗಳನ್ನು ಒಂದು ಗಾಜಿನ SLIDE ಮೇಲೆ ಫಿಕ್ಸ್ ಮಾಡಲಾಗುತ್ತದೆ. ಇದನ್ನು ಮೈಕ್ರೋಸ್ಕೋಪ್ ಮೂಲಕ ನೋಡಿ, ಕ್ಯಾನ್ಸರ್ಗೆ ತಿರುಗುವಂತಹ ಜೀವಕೋಶಗಳು ಕಂಡು ಬಂದರೆ, ಮುಂದಿನ ಹಂತದ ಪರೀಕ್ಷೆಗಳಾದ, BIOPSY, HPV TESTINGಗೆ ರೋಗಿಯನ್ನು ಕಳುಹಿಸಲಾಗುತ್ತದೆ. ಈ ಪರೀಕ್ಷೆಯನ್ನು, ಮಹಿಳೆಯು ಲೈಂಗಿಕ ಚಟುವಟಿಕೆ ಪ್ರಾರಂಭಿಸಿದಾಗಲಿಂದ ಮೊದಲ್ಗೊಂಡು, ಆರವತ್ತೈದು, ಎಪ್ಪತ್ತು ವಯಸ್ಸಿನವರೆಗೂ ಮಾಡಿಸಿಕೊಳ್ಳಬಹುದು. ಗರ್ಭಗೊರಳಿನ ಅರ್ಬದರೋಗಕ್ಕೆ ಚಿಕಿತ್ಸೆಯೇನು?? ಶಸ್ತ್ರಚಿಕಿತ್ಸೆಯೇ ಅಥವಾ ಕಿಮೋಥೆರಪಿ, ರೇಡಿಯೋಥೆರಪಿಯೇ?? ಇದು ರೋಗವು ಯಾವ ಹಂತದಲ್ಲಿದೆ ಎಂಬುದರ ಮೇಲೆ ಅವಲಂಬಿಸಿರುತ್ತದೆ. ಪ್ರಾಥಮಿಕ ಹಂತವಾದರೆ, ಶಸ್ತ್ರಚಿಕಿತ್ಸೆ, ಕೆಲವೊಮ್ಮೆ ಕಿಮೋಥೆರಪಿ ಅಥವಾ ರೇಡಿಯೇಶನ್ ಚಿಕಿತ್ಸೆ ಮಾಡಬೇಕಾಗುತ್ತದೆ. ರೋಗವು ಯಾವ ಹಂತದಲ್ಲಿ ಪತ್ತೆಯಾಗಿದೆ, ಯಾವ ಚಿಕಿತ್ಸೆ ನೀಡಲಾಗಿದೆ, ರೋಗಿಯ ಆರೋಗ್ಯದ ಸ್ಥಿತಿಗತಿಯ ಮೇಲೆ, ಅವರ 5YEAR SURVIVAL RATE ಹೇಳಲಾಗುತ್ತದೆ.