ಯಾವುದೇ ದೊಡ್ಡ ಸಾಧನೆಯ ಹಿಂದೆ ಒಂದು ಸಣ್ಣ ಆದರೆ ಬಲವಾದ ಪ್ರೇರಣೆ ಇರುತ್ತದೆ. ಡಾ. ಬಾಲಸುಬ್ರಹ್ಮಣ್ಯ ಅವರ ಜ್ಯೋತಿಷ್ಯದ ಪಯಣ ಆರಂಭವಾಗಿದ್ದು ಕೇವಲ 10-11 ವರ್ಷದ ಬಾಲಕನಾಗಿದ್ದಾಗ. ಅವರ ತಾತ ಶ್ರೀ ಶೇಷಗಿರಿ ರಾವ್ ಅವರು ಅಂದಿನ ಕಾಲದ ಪ್ರಸಿದ್ಧ ಜ್ಯೋತಿಷಿಗಳು. ತಾತನಿಗೆ ಕಣ್ಣಿನ ಶಸ್ತ್ರಚಿಕಿತ್ಸೆ ಆದಾಗ, ಅವರು ಹೇಳುತ್ತಿದ್ದ ಜಾತಕ ಕುಂಡಲಿಯನ್ನು ಬಾಲಸುಬ್ರಹ್ಮಣ್ಯ ಅವರು ಬರೆಯಬೇಕಿತ್ತು. ಅದಕ್ಕಾಗಿ ತಾತ ನೀಡುತ್ತಿದ್ದ ಸಂಭಾವನೆ ‘ನಾಲ್ಕು ಆನೆ ಬಾಳೆಹಣ್ಣು’! ಅಂದು ಆ ಬಾಳೆಹಣ್ಣಿನ ಮೇಲಿನ ಆಸೆಯಿಂದ ಆರಂಭವಾದ ಕೆಲಸ, ಮುಂದೆ ಜ್ಯೋತಿಷ್ಯ ಶಾಸ್ತ್ರದ ಮೇಲಿನ ಆಳವಾದ ಆಸಕ್ತಿಯಾಗಿ ಬದಲಾಯಿತು. ತಾತನ ಆಶೀರ್ವಾದ ಮತ್ತು ಪರಂಪರೆಯನ್ನು ಮುಂದುವರಿಸಿಕೊಂಡು ಬಂದ ಅವರು, ಕಳೆದ 20 ವರ್ಷಗಳಿಂದ ಇದನ್ನು ವೃತ್ತಿಯಾಗಿ ಸ್ವೀಕರಿಸಿ ಸಾವಿರಾರು ಜನರಿಗೆ ದಾರಿದೀಪವಾಗಿದ್ದಾರೆ.