ಬಂಧುಗಳೇ ಉದ್ಯಮದಲ್ಲಿ ಕೆಲವೊಮ್ಮೆ ನಂಬಿಕೆಗಳು ಅತಿಯಾಗಿ ಕೆಲಸ ಮಾಡುತ್ತವೆ. ಎಷ್ಟೋ ಉದ್ಯಮಿಗಳಿಗೆ ಯಾವುದೋ ಒಂದು ವಸ್ತು, ಮಾತು, ಪದ, ಬಣ್ಣ ಲಕ್ಕಿ ಎನಿಸಿ ಅದನ್ನೇ ಅವಲಂಬಿಸಿಬಿಡುತ್ತಾನೆ. ನಂಬಿಕೆ ಒಳ್ಳೆಯದೇ ಆದರೆ ಅದೇ ನನ್ನ ಏಳ್ಗೆಗೆ ಕಾರಣವೆನ್ನುವುದು ಮೂಢತೆ. ಕಳೆ ಆರು ತಿಂಗಳಲ್ಲಿ ಸುಮಾರು 12 ಕೇಸ್ ಗಳನ್ನು ನೋಡಿದ್ದಾಗಿದೆ. ಇಂತಹ ನಂಬಿಕೆಗಳಿಂದ ಪ್ರಾಣ ಬಿಟ್ಟವರು ಮೂರು ಜನ ಮಿಕ್ಕವರು ಮಾನಸಿಕವಾಗಿ ತೊಂದರೆಗೊಳಗಾಗಿ ಸರಿಯಾದವರು. ಇದರಲ್ಲಿ ಇಬ್ಬರು ಮಕ್ಕಳೂ ಇದ್ದಾರೆ. ಸ್ವಂತ ಬಲದ ಮೇಲೆ ನಂಬಿಕೆಯಿರಬೇಕು. ಪುರುಷ ಪ್ರಯತ್ನವನ್ನು ಮಾಡಿ ನಂತರ ಲೋಕ ಸ್ನೇಹಕ್ಕೆ ಬದ್ಧರಾಗಿ ಮಿಕ್ಕಂತೆ ದೈವಾನುಗ್ರಹದಲ್ಲಿ ನಂಬಿಕೆಯಿರಲಿ. ಉದ್ಯಮವೆಂಬ ಯಜ್ಞಕ್ಕೆ ಬೇಕಿರುವುದು ತಪಸ್ಸು. ಅದಕ್ಕೆ ಉರುವಲಾಗಿ ಬೇಕಾಗುವುದು ಅಧ್ಯಯನ, ದಯೆ, ಕ್ಷಮೆ, ಅನಸೂಯತ್ವ, ಶುಚಿತ್ವ, ಅನಾಯಾಸ, ಮಂಗಳತ್ವ, ಜಿಪುಣತೆಯಿಲ್ಲದಿರುವುದು ಮತ್ತು ದುರಾಶೆಯಿಲ್ಲದಿರುವುದು ಇವೆಲ್ಲವೂ ಸಾಮಾನ್ಯ ಧರ್ಮದ ಸ್ವರೂಪಗಳು. ಎಲ್ಲವನ್ನೂ ಮೂಢನಂಬಿಕೆಯೆಂದು ತಳ್ಳಿ ಹಾಕಬೇಕಿಲ್ಲ ಆದರೆ ನಿರಂತರ ಅಧ್ಯಯನದ ಮೂಲಕ ಸ್ವಂತ ಬಲದ ಮೇಲೆ ನಂಬಿಕೆ ಹೊಂದುವುದು ಬೇಕು. ಹೊರಗಿನ ವಸ್ತುಗಳ ಮೇಲೆ ನಂಬಿಕೆಯು ಕೆಲವೊಮ್ಮೆ ನಮ್ಮನ್ನು ಮುಂದೆ ತಳ್ಳಿದರೂ ಅದೇ ನಮ್ಮ ಗೆಲುವಿಗೆ ಕಾರಣವೆಂದುಕೊಂಡರೆ ಮೌಢ್ಯವಾಗುತ್ತದೆ ಅಥವಾ ಮೂರ್ಖತ್ವವಾಗುತ್ತದೆ.