ವಾಲ್ಮೀಕಿ ಮುನಿಗಳ ಸಾಹಿತ್ಯದಲ್ಲಿ ಕಂಡುಬರುವ ಪ್ರಕೃತಿ ವರ್ಣನೆಯು ಅನುಪಮವಾದದ್ದು. ಇಂತಹ ಪ್ರಕೃತಿ ಮಹಾಮುನಿಗಳ ಕಾಲದಲ್ಲಿದ್ದುದಂತೂ ಹೌದೆನಿಸುತ್ತದೆ. ’ಕಪ್ಪನೆಯ ಆಗಸವೆಂಬ ಕೃಷ್ಣಾಜಿನವನ್ನು ಹೊದ್ದು, ಭೋರ್ಗರೆದು ಇಳಿವ ಬಿಳಿಯ ಜಲಪಾತದ ಧಾರೆಗಳೆಂಬ ಯಜ್ಞೋಪವೀತವನ್ನು ಧರಿಸಿ, ಪರ್ವತೋಪಮ ವಟುಗಳು ತಮ್ಮ ಗುಹೆಗಳಂತಿರುವ ಮುಖದಲ್ಲಿ ಸುಳಿದಾಡುವ ವಾಗ್ದ್ವಾರದ ಗಾಳಿಯ ಮೂಲಕ ವೇದಾಧ್ಯಯನವನ್ನು ಮಾಡುವಂತಿದೆ’ ಎನ್ನುತ್ತಾರೆ ವಾಲ್ಮೀಕಿ. ಪ್ರಕೃತಿಯೊಂದಿಗೆ ಭಾರತವು ಅಧ್ಯಾತ್ಮಿಕವಾಗಿಯೂ ಭೌತಿಕವಾಗಿಯೂ ಹೆಚ್ಚಿನ ಸಂಬಂಧವನ್ನು ಹೊಂದಿದೆ. ಅಹಂ ವೃಕ್ಷಸ್ಯ ರೇರಿವಾ ಎನ್ನುತ್ತಾ ವೃಕ್ಷಪೂಜೆಯಿಂದ, ನೀರು, ಪರ್ವತ, ಕಲ್ಲು, ಮಣ್ಣು ಎಲ್ಲವನ್ನೂ ದೇವರೆಂದೇ ಭಾವಿಸಿ ಪೂಜಿಸಿ ಗೌರವಿಸಿದೆ. ಜೂನ್ 5 ಪರಿಸರ ದಿನಾಚರಣೆಯನ್ನು ಆಚರಿಸಿದ ಮತ್ತು ಪರಿಸರದೊಂದಿಗೆ ಬೆರೆತ ಎಲ್ಲ ಓದುಗರಿಗೂ ಪರಿಸರ ದಿನಾಚರಣೆಯ ಶುಭಾಶಯಗಳು.