ದ್ವಿಜೋದಯವು ಹೊಸ ಕ್ಯಾಲೆಂಡರ್ ವರ್ಷಕ್ಕೆ ಸಜ್ಜಾಗುತ್ತಿದೆ. ಕಳೆದ ವರ್ಷದ ನೆನಪುಗಳಲ್ಲಿ ಪತ್ರಿಕೆ ಆರಂಭವಾದ ನೆನಪು ಮಧುರ ಸ್ಮೃತಿ. ಪತ್ರಿಕೆಯ ಮೂಲ ಉದ್ದೇಶ, ಜ್ಞಾನಪ್ರಸರಣ ಮತ್ತು ಸಮುದಾಯದ ಉದ್ಯಮಿಗಳ ವ್ಯವಹಾರ ಪ್ರದರ್ಶನ. ಪತ್ರಿಕೆಗಳು ಕೇವಲ ಬೋಧನೆಯಲ್ಲಿ ತೊಡಗಬಾರದು ಸಾಮಾಜಿಕ ಜವಾಬ್ದಾರಿಯನ್ನು ಹೊತ್ತುಕೊಂಡೇ ವರದಿಗಳನ್ನು ಮತ್ತು ಲೇಖನಗಳನ್ನು ತಯಾರಿ ಮಾಡಬೇಕೆಂಬುದೇ ನಮ್ಮ ಅಭಿಮತ. ನೇರನುಡಿ ಮತ್ತು ಟೀಕೆಗಳಿಗೆ ಈ ಪತ್ರಿಕೆಯು ತಕ್ಕುದಲ್ಲ. ಇಲ್ಲಿ ನಡೆಯುವುದು ಉದ್ಯಮದ ಪ್ರಸರಣ. ಅದೊಂದನ್ನೇ ಮುಖ್ಯವಾಗಿಟ್ಟುಕೊಂಡು ಪತ್ರಿಕೆಯು ತನ್ನ ವಾಚಕರ ಸಂಖ್ಯೆಯನ್ನು ಕೇವಲ ಆರು ತಿಂಗಳಲ್ಲಿ ನಾಲ್ಕು ಸಾವಿರ ಮುಟ್ಟಿದೆ. ಸಾಫ್ಟ್ ಕಾಪಿಯು ಸುಮಾರು ೧೩.೫ಲಕ್ಷ ದಾಟಿದೆ. ಈ ಪತ್ರಿಕೆಯಲ್ಲಿ ಜಾಹೀರಾತು ನೀಡುವ ಜಾಹೀರಾತುದಾರರಿಗೆ ಹೆಚ್ಚಿನ ಮಾರ್ಕೆಟಿಂಗ್ ಸೌಲಭ್ಯವನ್ನು ನೀಡುವುದು ಡೆನ್ ತಂಡದ ಪಾಲಿಗೆ ಸಂದಿದೆ. ಹೆಚ್ಚಿನ ಗ್ರಾಹಕರನು ಸೆಳೆಯುವ ಎಲ್ಲಾ ವೇದಿಕೆಗಳನ್ನು ಬಳಸಿಕೊಂಡು ಕಾರ್ಯಸಾಧಿಸುತ್ತಿದೆ ನಮ್ಮ ತಂಡ.