ಮನುಷ್ಯನ ಸಹಜ ಸ್ವಭಾವ ನಂಬಿಕೆ. ಎಲ್ಲರನ್ನೂ ಎಲ್ಲವನ್ನೂ ಅನುಮಾನದ ದೃಷ್ಟಿಯಲ್ಲಿ ನೋಡುತ್ತಾ ನಿಂತರೆ ಸಮಾಜದಲ್ಲಿ ಬದುಕುವುದು ಅಸಾಧ್ಯ. ಆದರೆ ಆ ನಂಬಿಕೆ ಬಲಹೀನತೆಯಾಗಬಾರದು. ವ್ಯವಹಾರದ ವಿಷಯಕ್ಕೆ ಬಂದಾಗಲಂತೂ ಗರಿಷ್ಟಮಟ್ಟದ ಪರೀಕ್ಷಕ ದೃಷ್ಟಿಯಲ್ಲದಿದ್ದರೂ ಕನಿಷ್ಟಮಟ್ಟದ ಚಿಕಿತ್ಸಕ ದೃಷ್ಟಿಯಿರಬೇಕು. ಉದ್ಯಮದ ಹೊಸಬದಲಾವಣೆಗಳನ್ನು ಮಾಲೀಕನು ತಕ್ಷಣ ಕಲಿತುಕೊಳ್ಳಬೇಕು. ಹೊಸ ತಲೆಮಾರಿನವರು ಬೇಗನೆ ಕೆಲಸ ಕಲಿಯುತ್ತಾರೆಂದು ಎಲ್ಲದಕ್ಕೂ ಅವರ ಮೇಲೆ ಅವಲಂಬಿತರಾಗಬಾರದು. ನೌಕರರ ಟ್ರಾಕಿಂಗ್ ಸಹ ಅತೀ ಮುಖ್ಯವಾಗಿರುತ್ತದೆ. ಈಗ ಮೇಲಿನ ಘಟನೆಯ ವಿಷಯಕ್ಕೆ ಬರೋಣ ಪ್ರಾಮಾಣಿಕ ಸಜ್ಜನ ಉದ್ಯಮಿ ಎನ್ನುವುದು ಹೆಮ್ಮೆಯ ವಿಷಯವಾಗಬಾರದು. ಅದು ಸಹಜ ಗುಣ. ಆದರೆ ಉದ್ಯಮದ ಒಳಹೊರಗನ್ನು ತಿಳಿದ ಉದ್ಯಮಿಯು ತನ್ನ ಕಾರ್ಖಾನೆಯ ಉತ್ಪನ್ನಗಳ ಬಗೆಗೆ ಟ್ರಾಕ್ ಮಾಡದೆ ಇದ್ದದ್ದು ತಪ್ಪಾಗುತ್ತದೆ. ಎಷ್ಟೇ ನಂಬಿಕಸ್ಥ ಎಂದಿದ್ದರೂ ತಿಂಗಳಿಗೊಮ್ಮೆಯಾದರೂ ಉತ್ಪನ್ನಗಳ ಲೆಕ್ಕಾಚಾರ ಪರೀಕ್ಷೆ ಮಾಡಿಕೊಂಡಿದ್ದರೆ ಚೆನ್ನಾಗಿರುತ್ತಿತ್ತು.