ದೇವಾಲಯವೆಂದರೆ ಭಕ್ತಿ ಮತ್ತು ಶಕ್ತಿಯ ಸಂಗಮ. ಅಧ್ಯಾತ್ಮಿಕ ಕೋನದಲ್ಲಿ ದೇಗುಲಗಳು ಎಲ್ಲರ ಒಳಗನ್ನು ಪರಿಚಯಿಸಿದರೆ, ಸಮುದಾಯದ ದೃಷ್ಟಿಯಲ್ಲಿ ಜನರನ್ನು ಒಟ್ಟಿಗೆ ಸೇರಿಸುತ್ತದೆ. ಇದರ ಜೊತೆಗೆ ಶಕ್ತಿಯ ಕೇಂದ್ರವಾಗಿಯೂ ಉದ್ಯಮದ ಶಕ್ತಿಯಾಗಿಯೂ ದೇವಾಲಯಗಳು ಕಾರ್ಯನಿರ್ವಹಿಸುತ್ತವೆ. ಹೂಮಾರುವ ಹೂವಾಡಗಿತ್ತಿಯಿಂದ, ದೇವಾಲಯವನ್ನು ರೂಪಿಸುವ ಇಂಜಿನಿಯರ್, ಕಟ್ಟುವ ಕೆಲಸಗಾರ, ನಿರ್ವಹಿಸುವ ನಿರ್ವಾಹಕ, ಸಂದಣಿ ನಿಯಂತ್ರಿಸುವವನು, ಚಪ್ಪಲಿ ಕಾಯುವವನು, ಉದ್ಯಮದಲ್ಲಿನ ಎಲ್ಲಾ ಆಯಾಮಗಳೂ ಸಹ ಒಂದು ದೇಗುಲವನ್ನು ನಿರ್ವಹಿಸುವಲ್ಲಿ ಕಾಣುತ್ತದೆ. ಹೆಚ್ ಆರ್ , ಮಾರ್ಕೆಟಿಂಗ್, ಮ್ಯಾನೇಜ್ಮೆಂಟ್, ಕಂಟೆಂಟ್ ರೈಟಿಂಗ್, ಪ್ರಾಜೆಕ್ಟ್ಸ್ ಎಲ್ಲವೂ ಇಲ್ಲಿವೆ. ಸುಮಾರು ನಲವತ್ತು ಉದ್ಯಮಗಳನ್ನು ತನ್ನೊಟ್ಟಿಗೆ ಕರೆದೊಯ್ಯುವ ದೇವಾಲಯವು ಒಂದು ವ್ಯವಸ್ಥೆಯಾಗಿ ಎದ್ದು ನಿಲ್ಲುತ್ತದೆ. ಇದಲ್ಲವೇ ನಮ್ಮ ಧರ್ಮ ಮಹತ್ವ. . ಕಲೆ, ಭಕ್ತಿ, ಶಕ್ತಿ ಎಲ್ಲದರ ಮಿಳಿತವೇ ದೇವಾಲಯ. ಪ್ರಾಯಃ ಯಾವುದೇ ಪಂಥದಲ್ಲಿಯೂ ಇಂತಹ ವ್ಯವಸ್ಥೆ ಕಾಣಿಸುವುದಿಲ್ಲ. ದೇವಾಲಯದ ಬದಲು ಇನ್ನೇನಾದರೂ ಮಾಡಬೇಕಿತ್ತು ಎನ್ನುವವರಿಗೆ ಇವೆಲ್ಲಾ ಅರ್ಥವಾಗದು.