ಪ್ರಿಯ ಉದ್ಯಮ ಮಿತ್ರರೇ ದ್ವಿಜೋದಯ ಆರಂಭವಾಗಿ ಒಂದು ವರ್ಷವಾಯ್ತು. ಹನ್ನೆರಡು ಉದ್ಯಮಿಗಳನ್ನು ಪರಿಚಯಿಸಿ, ನೂರಾರು ವಿಭಿನ್ನ ಲೇಖನಗಳನ್ನು ಟಂಕಿಸಿ, ಲಕ್ಷಾಂತರ ಜನಕ್ಕೆ ಓದುವ ರುಚಿಯನ್ನು ಹೊತ್ತಿಸುತ್ತಿದೆ ನಮ್ಮ ದ್ವಿಜೋದಯ. ಇನ್ನೂ ಪರಿಶ್ರಮವನ್ನು ಬೇಡುತ್ತದೆ ಈ ವಿಭಾಗ. ಪ್ರತಿಬಾರಿಯೂ ಹೊಸಬಗೆಯನ್ನೇ ನೀಡುವ ಸಂಕಲ್ಪದೊಂದಿಗೆ ಹೊರಡುತ್ತೇವೆ. ಸಾಗರದಾಚೆಗೂ ವಿಸ್ತರಿಸಿ ನಮ್ಮ ಪತ್ರಿಕೆಯು ಓದುಗ ಬಳಗವನ್ನು ಸಂಪಾದಿಸಿಕೊಳ್ಳುತ್ತಿದೆ ಎನ್ನುವುದು ಹೆಮ್ಮೆಯ ಸಂಗತಿ. ಹಲವು ಉದ್ಯಮಿಗಳ ಜಾಹೀರಾತುಗಳು ನಮ್ಮ ಪತ್ರಿಕೆಯಲ್ಲಿ ವಿರಾಜಿಸಿವೆ ತನ್ಮೂಲಕ ಅವರಿಗೆ ಗ್ರಾಹಕರನ್ನೂ ಕೊಟ್ಟಿದೆ. ಈ ಎಲ್ಲಾ ಅಂಶಗಳನ್ನೂ ಮನದಲ್ಲಿಟ್ಟುಕೊಂಡೇ ನಾವು ಎರಡನೆಯ ವರ್ಷಕ್ಕೆ ಕಾಲಿಡುತ್ತಿದ್ದೇವೆ. ವಿನೂತನ ರೀತಿಯಲ್ಲಿ ಪತ್ರಿಕೆಯನ್ನು ರಚಿಸುತ್ತಾ ಜಾಹೀರಾತುದಾರಿಗೆ ಮತ್ತಷ್ಟು ಸೌಲಭ್ಯಗಳನ್ನು ಕಲ್ಪಿಸುವತ್ತ ನಮ್ಮ ಗಮನ ಹರಿಯುತ್ತಿದೆ. ಡಿಜಿಟಲ್ ಮಾಧ್ಯಮದಲ್ಲಿ ಜಾಹೀರಾತುದಾರರಿಗೆ ಹೆಚ್ಚಿನ ಪ್ರಕಾಶವನ್ನು ಕೊಡುವುದು, ಗ್ರಾಹಕರನ್ನು ನೇರವಾಗಿ ಸಂಪರ್ಕಿಸುವಂತೆ ಮಾಡುವುದು ಗುರಿಯಾಗಲಿದೆ. ಇವೆಲ್ಲವೂ ಪತ್ರಿಕೆಯ ದೃಷ್ಟಿಯಿಂದ ಮತ್ತು ಓದುಗ,ಜಾಹೀರಾತುದಾರ ದೃಷ್ಟಿಯಿಂದ ಬೆಳವಣಿಗೆಯಾಗಬೇಕಾದ ಅಂಶಗಳು.