ಕುಂಭ ಮೇಳವು ಮುಗಿದಿದೆ. ಕೋಟಿ ಕೋಟಿ ಜನರು ಏಕ ಮನಸ್ಸಿನಿಂದ ಪುಣ್ಯಸ್ನಾನ ಮಾಡಿ ಪುನೀತರಾಗಿದ್ದಾರೆ. ಇದು ಭಕ್ತರ ದೃಷ್ಟಿಯಿಂದ ನೋಡಿರುವುದು, ಸರ್ಕಾರದ ಕಡೆಯಿಂದ ನೋಡುವುದಾದರೆ ಸರಿಸುಮಾರು 7500 ಕೋಟಿ ಖರ್ಚು ಮಾಡಿ ಮಹಾ ಕುಂಭವನ್ನು ಆಯೋಜಿಸಿದ ಯೋಗಿ ಸರಕಾರದ ಬೊಕ್ಕಸಕ್ಕೆ ಬಂದದ್ದು ಅಂದಾಜು 3ಲಕ್ಷ ಕೋಟಿ. ಬೃಹತ್ ಕಾರ್ಯಕ್ರಮವನ್ನು ಆಯೋಜಿಸುವಾಗ ಹಣಕಾಸಿನ ಕಡೆ ನಿಗಾ ವಹಿಸುವುದು ಮಹತ್ವದ್ದಾಗಿರುತ್ತದೆ. ಇಂತಿಷ್ಟು ಖರ್ಚು ಮಾಡುವ ನಮಗೆ ಬರುವುದೆಷ್ಟು ಎಂಬುದು ಕೂಡ ಮುಖ್ಯವೇ. ಅವೆಲ್ಲವನ್ನೂ ಯೋಚಿಸಿ ಯೋಜಿಸಿ ಯೋಗಿಯವರು ಮುಂದಡಿಯಿಟ್ಟಿದ್ದರು. ಈಗ ಅವೆಲ್ಲವೂ ಸಾಕಾರವಾಗಿವೆ. ಎಷ್ಟೇ ಅಡೆತಡೆಗಳಾದರೂ ಮೇಳವು ಅತ್ಯದ್ಭುತವಾಗಿ ಮುಗಿಯಿತು. ದೇಶವಿದೇಶಗಳಿಂದ ಬಂದ ಭಕ್ತರು ಪುಣ್ಯಾರ್ಜನೆಯನ್ನು ಗಳಿಸಿ ಹೊರಟರು. ಇದು ಭಾರತದ ಸಂಸ್ಕೃತಿ. ಇದೇ ಭಾರತ. ವಂದೇ ಮಾತರಂ